Porque sí

Porque si, porque si, porque si... Porque o dicían os Rodríguez e, para min, o que digan os Rodríguez vai a misa, estamos? :P

Porque si. Porque me encanta que se cumpla iso que sempre di meu pai: "Deixa que o mundo vire". O mundo vira e o tempo pon as cousas no seu sitio, nin máis nin menos. Si señor. Viva o mundo.

Porque si. Porque a pesar de todo, a pesar do que ti creas que me debes, eu déboche moito máis. Déboche o sentirme valorado por alguén a quen valoro. Déboche o sentir que son algo máis que un máis. Déboche o ver en min moito máis do que eu son capaz de ver.

Porque si. Por non rebaixarme á altura de quen pretende manipularme e por non caer na solución máis fácil (e, por outro lado, máis merecida).

Porque si. Porque a ti tamén te aprezo e me caías ben (ata esta noite). Porque ti mesmo te fixeches a cama sen necesidade. Porque o alcol non é excusa. Porque se les esto saibas que non che gardo rencor, aínda que non o creas, pero creo que deberías de ser sincero contigo mesmo e non menosprezar ós que non coñeces. Porque non se me escapa que me sigues tildando de subnormal. Porque sei que non tratas de ocultalo tampouco, e estás no teu dereito. Porque eu non opino o mesmo de ti, pero modestamente opino deberías descargar a túa frustración doutra maneira, ou alomenos recoñecela primeiro. Mentirse a un mesmo non serve de nada, creme.

Porque si. Porque a pesar de que calquera rocha parece facer augas todo esto, no fondo non houbo arrecife que o afundise, nin sequera aqueles ós que nós mesmos puxemos rumbo. Porque non hai mentira que abra unha brecha, aínda que te empeñes (si, esta púxena a dolor). Porque non importa o rumbo que tomes, sempre haberá alguén que che axude a levar o temón.

Porque si. Porque os borrachos nunca minten. Porque vale a pena un sorriso, aínda que sexa despois de enxugar unha bágoa.

Porque me apetece, e punto.


Polos Piratas e por ese momento no Churruca. Para ti non sería nada pero eu tardarei en esquecelo.


P.D: Para María tamén, que, igual que con Lidia, creo que empecei con mal pé (anque ela igual nin o sabe). Polas segundas impresións!!! :D
P.D.2: Para os que, querendo ou sen querelo, alimentaron esta noite o meu apetito de cotilleos.
Para Shere, que a vin cinco minutos, pero qué feliz estabas, coño!!
P.D.3: Para Jorge, ó que non puiden felicitar en persoa. Por moitos anos!!!